ධර්ම දේශනාව පටන් ගන්න ස්වාමින්වහන්සේ දර්මාසනයට වැඩම කලා . මම කිව්වෙ මට සෙනඟ වැඩි නිසා යන්න බෑ දර්ම ශාලාවට ඒක නිසා මම ආරණ්ය සේනාසනයට ඇතුල් වෙන දොර ගාවම දාල තිබුණ තිරයෙන් බලාගෙන ඉඳගෙන දේශනාව අහන්නයි ලෑස්ති උනේ . සවාමින් වහන්සේ නමස්කාරය කියන්න කියල දේශනාව පටන් ගත්ත . දර්ම දේශනාව අහන්න ආපු අය ඉඳගෙන අහන්න ලෑස්ති වෙනකොට තවත් අය එනව . දේශනාව පටන් ගන්න වෙලාවට එන්න බැරි උන අය . අනිත් හැම දේටම වෙලාවට යන්න පුරුදු උන අපේ මිනිස්සුන්ට මේකට වෙලාවට එන්න බෑ . අනිත අයගෙ අවධානයත් කඩල දානව . ඒ අතරෙම එන අය මේ දේශනාව පටන් අරගෙන කෝපි බොනව , තේ බොනව , ආ ගිය දේවල් කතා කරනව . මෙහෙම සෑහෙන වෙලාවක් දර්මය අහන අයට බාධා කලා . හරි දැන් මෙහෙම අහගෙන යනව කියමුකො . ගන්නකොට කිව්වා එක පැයක් විතර ගතවෙනකොට ඉතින් ඉන්න අමාරු උනා දේශනාව අහන්න ඇවිත් හිටිය අයට . ඇයි අර සාම්ප්ර දායිකව අපේ මෝඩ මිනිස්සු පුරුදු වෙලා ඉන්නෙ පැයේ බණ වලටනේ . දේශනාව කරන්න එන හාමුදුරුවොත් ඒ පැයේ ඔය මොන්වා හරි දෙයක් කියල අටපිරිකරයත් අරන් යනව . මේ ස්වාමින් වහන්සේගේ දේශනාව පැය 4 කට ආසන්න වෙන්න තිබුන . දර්මය අහන්න නැතුව වෙන වැඩ වලට ඇවිත් හිටිය මෝඩයන් ඇරෙන්න අනිත් හැම කෙනෙක්ම ඒ පැය 4 කට කිට්ටුවෙන්න මුලු කාලෙම බොහොම ශ්රද්ධාවෙන් බණ ඇහුව . ඉතින් මේ අහන්න අමාරු උන සම හරක් අයට නින්ඳ ගියා . සැප පුටුවල හිටපු අයට විශේෂයෙන්ම . බිම හිටිය අයටත් නින්ඳ ගියා . එක නාකි ජෝඩුවක් නින්ද යන හින්ද පුටු වලින් නැගිටලා ගිහින් කෝපි දෙන කොම්පැණියෙන් කෝපි අරන් ආව . කෝපි බිබී බණ අහන්න . මොන සැපද නේ . .... උඩින්ම නිවන් යන්න පුලුවන් . කොහොම හරි බණ ඇති වෙලා හිටිය අනිත් ඈයො ටිකත් මේක දැකල කෝපි බොන්න ලෑස්ති උනා . කෝපි බොන්න බැරි උන අය තේ බොනව . තේ බොන්න බැරි අය බෙලි මල් බොනව .දෙක තුන බොන්න පුලුවන් අය එහෙමත් බොනව . අරෙහෙ ස්වාමින් වහන්සේ දේශනාව කරනව . අර මෝඩ මිනිස්සුන්ට කිසිම ගානක් නෑ . ..... කෝපි එහෙම ආයෙමත් බීපු නිසා කොහොම හරි තව පැය 2ක් විතර ඇදගත්ත . ආයෙමත් නිදාගත්ත අය නිදාගත්ත . මේ අතරෙ තව තව හොඳ වැඩ කරපු අයත් හිටිය . එක නෝන කෙනෙක් මම හිතන්නෙ අවුරුදු 60ක් විතර ඇති 40ක පෙනුම එන්න ගොඩාක් දේවල් කරල . මෙයාට තිබුන පොඩි ටයිල් කැටයක ප්රමාණේ ස්මාර්ට් ෆෝන් එකක් ජංගම දුරකතනයක් . මෙයාගෙ වැඩේම මේකෙන් අර දේශනාව රෙකෝර්ඩ් කරනවා .මුලු පැය ගානම ඔය වැඩේ කලා දන්නෙ නෑ එක බණ පදයක් වත් ඔලුවට ගියාද නම් කියල . තව ගෑනු ලමයෙක් තමං ගේ ජංගම දුරකතනය ඔබ ඔබා හිටිය මිසක්වෙන දෙයක් නම් කලේ නැති තරම් . ඔය අතරෙ කෙල්ලො යාලු කරගන්න දඟලපු කොල්ලොත් ,කොල්ලො යාලු කරගන්න දඟලපු කෙල්ලොත් හිටිය . බණ අහන්න ඇවිත් . පැය තුනක් විතර යනකොට සම හරක් අයට ගෙදර යන්න ඕන උනා ඇති වෙලා හරි , ගෙදර වැඩ මතක් වෙලා හරි '' මම මේ කාරණය විශේෂයෙන් කියන්න ඕන ස්වාමින් වහන්සේ දේශනාව පටන් ගන්න කොට කිව්ව පින්වත්නි ඔබ මේ පහුකරගෙන ආපු අනන්ත සංසාරෙ අප්රමාණ බුද්ධ ශාසන වල ඉපදිලා බුදුවරු දර්මය දේශනා කරත්දි පලවෙනි බණ පදය අහන් ඉඳලා දෙවෙනි බණ පදය කියන්න කලින් නැඟිටලා එන්න ඇති දෙවෙනි බණ පදය අහුවනම් ඔබ සෝවාන් වෙනවා . දෙවෙනි බණ පදය අහන්න ඇති තුන් වෙනි එක කියන්න කලින් මට ගෙදර වැඩ තියනව කියල එන්න ඇති ඒක ඇහුවනම් ඔබ රහත් වෙනවා කියලා . ඔබේ වැරදි නිසාම ඔබ සංසාරෙ මෙච්චර දුර අවෙත් කියල ''මේ කියපු කාරණයත් මේ යන්න නැඟිටපු සම හරක්ට පැය 3ක් යන්න කලින් අමතක වෙලා . අර යන්න පටන් ගත්ත අය හින්ද අනිත් දේශනාව අහන් ඉන්න අයට පුදුම තරම් බාදාවක් උනා . මුලුසංසාරෙ පුරාම කරපු ගොංකම එදත් ඇවිත් හිටි අය කලා .
ඒ අතරෙ සමහර බණ ඇතිවෙලා බොහොම අමාරුවෙන් හිටිය නාකි ගෑණු පිරිමි කොයි වෙලාවේ ඉවර වෙයිද ? කොයි වෙලාවේ ඉවර වෙයිද ? කියල බලාගෙන හිටිය . හරියට හිර කූඩුවක දැම්ම වගේ . ඇයි ඉතින් ආවනම් පින් ටිකත් අරන් යන්න එපැයි කීයවෙනකම් හරි ඉඳලා නැත්නම් ආපු ගමනේ අපරාදෙනේ.ස්වාමීන්වහ්න්සේ දේශනාව ඉවර කරන්න වගේ එනකොට හොඳ හුස්මක් අරගෙන පහලට දානව .ඉවර කරන්නෙ නැතිකොට ආයෙත් හුස්මක් උඩට අදිනවා . මේ වගේ අඥාණ බෞද්ධයෝ පිරිසකට උන් වහන්සේ පුදුම දුකක් විඳලා දර්මය දේශනාකලා පැය 4 කට ආසන්න කාලයක් .ඒ වගේම දේශනාවෙන් ප්රයෝජන ගත්ත අය ප්රයෝජන ගත්ත කොහොම හරි දේශනාව ඉවර වෙලා පින් අනුමෝදන් කරල ඉවර උනා විතරයි .දර්ම ශාලාවට යන්න තිබුනු එකම දොරෙන් ඇතුලේ හිටපු අය ඉක්මනට එලියට ඇවිත් ගෙදර යන්නයි එලියෙ හිටිය අය පිරිකරත් අරගෙන ස්වාමින්වහන්සේ ට වඳින්න යන්නයි දොර ලඟ දෙපැත්තට හිර වෙලා මිනීමරාගත්තෙ නැති ටික විතරයි උනේ.. පින්කම සංවිධානය කරපු අය ශබ්ධ විකාශන යන්ත්ර වලින් කොච්චර කිව්වව කනකටවත් ගත්ත කිසි කෙනෙක් හිටියෙ නෑ . පිරිකර පූජා කරන්න පෝලිමේ එන්න කිව්වට එතනත් පෝලිමට යන්නෙ නැතුව මහා ගාල ගෝට්ටියක් කලා .මේ අතර කිසිම හදිස්සියක් නැතුව බොහොම සැනසිල්ලෙ ස්වාමින් වහන්සෙට පිරිකර පූජා කරල පින් අනුමෝදන් උන අයත් හිටිය මෝඩ හදිස්සි කාරයෝ ඔක්කොම ගියාඅට් පස්සෙ . ආ...... තව කාරණයක් මතක් කරන්න ඕන . දේශනාව ඉවර උන ගමන්ම ආයෙමත් යනගමන් කිරි කෝපි කෝප්ප දෙකක් විතර සප්පායම් වෙන්න බෙලිමල් , තේ එහෙම බොන්න අමතක නොකරපු අයත් හිටිය .'' මේ දේශනාව අහන්න එන මිනිස්සු සහ අහල යන මිනිස්සු පාලනය කරන්න පොලිසියෙන් දාල හිටිය අත් විශාල පොලිස් නිලධාරීන් සංඛයාවක් '' මේක කියවන අය හොඳට කල්පනා කරල බලන්න දර්මය අහල යන මිනිස්සු පාලනය කරන්න පොලිසියෙන් ? අපරාධ කාරයෝ නම් කමක් නෑ , හිතල බලන්න මේ බෞද්ධ ලංකාව නේද කියල . මම ප්රශ්න කරන්නෙ මොකක්ද මේ මිනිස්සු දර්මය අහන එකේ තේරුම කියල . බණ අහල යන මිනිස්සු හසුරුවන්නත් පොලිසිය ඕන නම් ??? (මට තව කියන්න දේවල් ටිකක් තියනව මේ ලිපියට අදාලව ඒ ටික මේ ලිපියේ අටුවාවක් විදියට ලියනවා අපේ කාලයේ බණ අහන අය ගැන මට දැනට මෙච්චරයි කියන්න තියන්නේ )
No comments:
Post a Comment
කියෙව්වාට පස්සේ හිතෙන දේ ,යෝජනා , චෝදනා , අදහස් ඕනම දෙයක් ලියලා යන්න . ඔබේ අදහස් අපට බොහෝ වටී